Cun il BÜGA avais Vus il Grischun en satg. Profitai er da noss ulteriurs servetschs. Uschia daventa Voss viadi in'aventura.
Qua chattais Vus respostas a las dumondas las pli impurtantas en connex cun il BÜGA.
Per ulteriuras dumondas As stat noss railservice gugent a Vossa disposiziun.
Las colliaziuns adattadas chattais Vus directamain online.
Sco alternativa pudais Vus retrair Voss exemplar persunal da l'urari dal Grischun en in uffizi postal u en ina staziun da las VFF, da la Viafier retica u da la Viafier Matterhorn Gottard.
Cun il BÜGA pudais Vus schizunt viagiar, er sche Vus l'avais emblidà: As drizzai cun in document d'identitad valaivel ad in da noss posts da vendita u As annunziai directamain tar il persunal da controlla u da viadi. (Resalva persunala: 5.00 francs)
Cun il BÜGA profitais Vus da reducziuns da pretsch attractivas tar intginas telefericas grischunas. As infurmai per plaschair directamain tar la teleferica respectiva.
Gea, il BÜGA vala en il Grischun er per colliaziuns fin baud la damaun. En il Grischun è ultra da quai vegnì abolì il supplement da notg il december 2017.
Sche Vus avais tschernì in BÜGA da la 1. classa sco BÜGA da basa, pudais Vus cumprar ils abunaments BÜGA-Plus per la 1. u per la 2. classa. Sche Vus avais tschernì in abunament da la 2. classa sco abunament da basa, pudais Vus cumprar ils abunaments BÜGA-Plus mo per la 2. classa.
Na, per il velo na datti naginas reducziuns da pretsch cun il BÜGA. Per excursiuns cun il velo en il Grischun datti – ultra da la purschida standard – er l'attractiv graubündenPASS Bike.
Gea, il BÜGA vala er sin il traject da las Viafiers federalas da Cuira a Ragaz Bogn. Per viadis fin Sargans e pli lunsch ston ins mintgamai cumprar in bigliet valaivel davent da Ragaz Bogn, n'emporta betg sch'il tren, cun il qual ins viagescha, ferma a Ragaz Bogn u betg (attenziun en cas da bigliets da spargn).
Gea, il BÜGA vala er sin il traject da la Viafier Matterhorn-Gottard da Mustér fin sin l'Alpsu. Gea, il BÜGA vala er sin il traject da la Viafier Matterhorn-Gottard da Mustér fin sin l'Alpsu.
Gea, entaifer ses intschess da valaivladad vala il BÜGA er sco bigliet per il Bernina Express e per il Glacier Express. Ins sto unicamain reservar ina plazza da seser.
Gea, ins ha la pussaivladad da cumprar ina midada da classa per in di u per in mais. Per midar classa sin in tschert traject ston ins pajar il pretsch supplementar cumplain. Cun in abunament da mesa taxa profiteschan ins supplementarmain dal pretsch reducì per midar classa.
Na, quai n'è betg pussaivel. L'abunament da mesa taxa po vegnir duvrà vinavant per viadis ordaifer il chantun Grischun.
Mobility Carsharing è la cuntinuaziun individuala dal traffic public. In abunament da Mobility avra las portas da 3000 autos en passa 1400 lieus en Svizra. Da tuttas uras ed en autoservetsch. Las portas da Mobility sa laschan dal rest avrir er cun il SwissPass.
Profitai – sco client d'in abunament annual – da las cartas annualas da park + rail da la Viafier retica.
Sche Vus viagiais regularmain sin il medem traject, è in abunament da lingia ina buna tscherna – e sa paja gia a partir da trais viadis d'ir e turnar per emna. Da retrair per 1 mais u per 1 entir onn. In abunament da mesa taxa n'è betg necessari.Abunaments da lingia
L'abunament da modul per trajects-zonas-cumbinaziuns. Grazia a l'abunament da modul viagian er pendularis dal / en il Grischun cun pli paucas cartas en la bursa e profitan plinavant d'in rabat da cumbinaziun. Vus pudais cumbinar l'abunament per Voss traject da pendularis cun ina zona colliada al lieu da partenza / d'arrivada u en viadi.
Sche Vus viagiais en l'Engiadin'ota u en la regiun Tavau/Claustra, profitais Vus dal consorzi tariffar local. Vus essas mobil er en la Val dal Rain da Cuira grazia a TransReno – cun l'acceptanza vicendaivla da la gronda part dals bigliets e da las cartas tras il Bus da Cuira, l'AutoDaPosta, las VFF e la Viafier retica.
Tgi che na viagia betg regularmain, ma adina puspè sin il medem traject, cumpra il meglier ina carta da plirs viadis: cumprar 1 giada – viagiar 6 giadas. La carta da plirs viadis vala 3 onns, cuntegna 6 viadis simpels, è 20 pertschient pli bunmartgada che in singul bigliet en il Grischun ed è impersunala e pia transferibla. Anc meglier viagian ins mo, sch'ins ha er in abunament da mesa taxa, perquai che cun quel datti la carta da plirs viadis a mez pretsch.
Essas Vus pli giuven che 25 onns e gugent en viadi la saira? Alura è l'abunament seven25 gist dretg per Vus. Cun quest abunament viagiais Vus da las 19.00 fin las 05.00 uschè ditg che Vus vulais sin la rait da las VFF, da la Viafier retica sco er da numerusas interpresas da transport privatas en la 2. classa. L'abunament seven25 survegnis Vus sin il SwissPass.
La carta junior custa 30.00 francs. Per quest pretsch datti 1 onn a la lunga via libra per uffants tranter 6 e 16 onns. Unica cundiziun: accumpagnament d'in genitur cun in bigliet valaivel u ina carta valaivla. Excepziun: abunaments colliads e purschidas spezialas. La carta junior vala dapertut, nua ch'i vala er l'abunament da mesa taxa.
Cun la carta per viagiar en cuminanza cun uffants che custa 30.00 francs, viagia in uffant tranter 6 e 16 onns durant 1 entir onn, accumpagnà d'ina persuna cun in bigliet valaivel u cun ina carta valaivla tras la Svizra. La carta per viagiar en cuminanza cun uffants pon retrair tut ils accumpagnaders pli vegls che 16 onns (p.ex. tatta, padrin, onda e.u.v.) a la staziun.
Esser mobil illimitadamain durant in di cun las cartas dal di sco er cun las cartas dal di da spargn per la 1. e per la 2. classa.
